На роднай зямлі


На гэтым тыдні Чашніцкі гістарычны музей наведаў мастак Ягор Ягоравіч Батальёнак, які нарадзіўся у в. Вялікія Труханавічы Чашніцкага раёна Віцебскай вобласці. Скончыў мастацка-графічны факультэт Віцебскага педінстытута (1968). Працаваў у Бягомльскай школе-інтэрнаце (1968–1970), у Рэспубліканскай школе-інтэрнаце па музыцы і выяўленчаму мастацтву ў Мінску (1970–1988). З 1974 года удзельнічае ў мастацкіх выставах у Мінску, Маскве, Санкт-Петярбургу, Кіеве, Вільнюсе, Нарве, Арабскіх Эміратах, Іспаніі, Італіі, Польшчы, Балгарыі, Галандыі, Англіі і ЗША. Працуе пераважна у жанры пейзажа і нацюрморта. Сябра Беларускага Саюза мастакоў з 1981 года. З 1989 па 1992 год супрацоўнічаў з вядомай нямецкай фірмай па продажу твораў мастацтва "Мікалай і сын". У 1992 годзе быў запрошаны галерэяй "Кадо" для творчай працы ў г.Віторыя (Іспанія). У 1996 годзе атрымаў Першую прэмію прадстаўніцтва ААН на Беларусі за жывапісны твор "Повязь" з удзелам у міжнароднай выставе "Хабітат-2" у. г.Стамбуле (Турцыя).

Персанальныя выставы:

1975 - г.Мінск
1988 - г.Мінск, г.Мазыр
1992 - галерэя "Кадо" г.Віторыя (Іспанія)
1995 - мастацкі цэнтр "Жылбел" г.Мінск
1998 - Галерэя "Манфрэд Трумп" г. Орынген (Германія)
1999 - Галерэя Алы Паўлавай г.Дордрэхт (Галандыя)
2002 - Галерэя "Мастацтва" г.Мінск
2005 - Галерэя "Добрыя мыслі" г.Мінск
2009 - Беларускі музей ў Нью-Ёрку (ЗША)
Музей авангарднага рускага мастацтва г.Нью Ёрк (ЗША)
Культурна-асветніцкі цэнтр "Полацк" г.Кліўленд (ЗША)
2013 - Галерэя "Традыцыя" г.Светлагорск

Некаторыя калектыўныя выставы:

1990 - "Жыве Беларусь" г.Гайнаўка (Польшча)
1991 - "Беларускі пейзаж" г.Берлін (Германія)
1993 - "Мастацтва Беларусі" г.Джульянова (Італія)
1996 - "Выстава беларускага мастацтва " г.Парыж (Францыя)
2000 - "Пагоня-10" г.Мінск
"Акно ў Еўропу" г.Рым (Італія)
"Маятнік часу" г.Мінск
2006 - Міжнародная выстава ў музеі авангарднага рускага мастацтва г.Нью- Ёрк (ЗША)
2007 - "Міжнародны фестываль пейзажа" г.Мінск
2008 - "Мастацтва Беларусі" г.Лондан (Англія)
2010 - "Беларускае сучаснае мастацтва" (12+) г.Дубай (Арабскія Эміраты)
2011 - "Пагоня-20" г.Мінск
2012 - "Арт-крок" г.Мінск
2015 - "Паланез" г.Мінск
"Пагоня-25" г.Мінск

Творы знаходзяцца ў Нацыянальным мастацкім музеі Рэспублікі Беларусь, Музеі сучаснага выяўленчага мастацтва Беларусі, фондах Саюза мастакоў Беларусі, Магілёўскім мастацкім музеі імя П.Масленікава, Полацкім гісторыка-культурным запаведніку, Гродзенскім гісторыка-археалагічным музеі, Заслаўскім гісторыка-культурным запаведніку, Чашніцкім гістарычным музеі, галерэі "Традыцыя" г.Светлагорска, Нацыянальнай бібліятэцы Рэспублікі Беларусь, фондах Міністэрства культуры Расіі, Табольскім гісторыка-архітэктурным запаведніку, Яраслаўскім мастацкім музеі, Беларускім музеі ў г. Гайнаўка (Польшча), Беларускім музеі ў г. Нью-Ёрку (ЗША), музеі авангарднага рускага мастацтва ў г. Нью-Ёрку (ЗША), культурна-асветніцкім цэнтры «Полацк» г. Кліўленда (ЗША),у шматлікіх прыватных зборах на Беларусі і за мяжой.

У час сустрэчы мастак перадаў музею альбом "Ягор Батальёнак.Жывапіс."
Ягор Ягоравіч с цікавасцю аглядаў музейныя прадметы, дзяліўся ўспамінамі.
Пакідаючы музей пажадаў росквіту малой радзіме.



мастак Ягор Ягоравіч Батальёнак
Выставка "На роднай зямлі". Чашникский исторический музей. г. Чашники, 2018 г.
Выставка "На роднай зямлі". Чашникский исторический музей. г. Чашники, 2018 г.